今日呢就係一個特別的日子，就係阿ck的生日同五個月了﹗
咁呢我就預0岩在零時零分send左個message畀佢啦﹗本來諗住打畀佢的，但係費事嘈醒佢啦。
咁我就中午呢約左阿dada喎，咁佢就話想去中央圖書館到搵資料啦。我就陪佢去喇，我地在尖東食完lunch後就搭巴士去了。今次係我第二次去的，對上一次都係中六時學校話去個到搵資料咁囉。今次我地就去左八樓個層reference book啦，dada就去搵資料，我就係到乖乖咁溫書。wellwell~~圖書館的設備真係好齊全囉，我地又問左人教我地點search一d專門資料咁。都幾正的。同埋呢個中央圖書館真係好正，係到溫書都唔錯的。仲有我今日見到好諗冇見的sophia喇。哈哈﹗我去溫書時總係見到佢的﹗
約四點半到阿ck就來了，跟住約五點我同佢就走喇，咁呢dada自己就繼續溫下書搵資料啦﹗
原來阿ck個plan就係帶我去睇呢十年難得一見的畢卡索的名畫--巡遊。actually，我都唔係好識欣賞的，加上我又冇戴眼鏡，唔可以好仔細咁睇啦， 同埋基本上我都唔覺得呢幅有幾特別。我諗佢特別之處都係出自名師手筆啦﹗跟住我地就去睇戲了，wellwell~~我地今次睇呢套係韓國三級片--原罪犯。em...呢套戲我覺得幾血腥﹑暴力﹑核突，色情就冇乜啦。em....個故事都ok的，都幾慘的﹗em....我都好推薦大家去睇的。呢套係我人生中有史以來第一次入戲院睇的三級片﹗
then呢我地就搭船去尖沙咀，本來我諗住去影貼紙相的，不過呢我搵來搵去都搵唔到喎，失望之際，阿ck同我講話我仲未食dinner，咁我就search下有咩好食啦。最後都係在百佳便利店到買左d魚蛋同燒賣食啦。
then食完後我就送份禮物畀佢了。份禮物係咩呢，我就唔講了。(不過都好似幾多人知的)
em....總之0岩佢就得啦。
去到海旁附近，見到好多攤位係幫人影人的，反正我倆又搵唔到鋪頭影貼紙相，所以呢，我地就去左影下喇。em.....都唔係話好貴啦。今次亦都人生第一次影呢d街頭影相的。由於個老闆佢唔小心曬錯size畀我地，咁呢我地就額外多左一張了﹗
之後我地在海旁坐左陣，根住就行番去火車站了。一路行我就一路考番阿ck的記憶，我諗佢讀書都唔錯的，但當要佢記番日常的事，就唔係好得了。哈哈﹗好辛苦先行到去火車站，好累好累﹗
真希望可以快d用到個個尖東站。但又幾貴的﹗
唔知點解今日又好喉嚨痛﹑頭痛咁。
走時，ck件褸仲係我到，我諗大家在車上睡到太累，佢落車時都怱忙﹗不過咁都好，可能我發冷啦，自己一件褸都唔夠，要穿多件先得。
係到再同阿ck講聲happy birthday﹗
p.s.終於都收到個心了﹗well~~都算係摺得ok啦﹗我點都覺得係我自己摺得最好睇的﹗
Subscribe to:
Post Comments (Atom)
No comments:
Post a Comment