睇醫生

一個月睇兩次醫生，真係未試過的。本來諗諗住朝早去的，但係點知落到去先知呢個星期間診所早上都唔開喎，咁就惟有等下午先去睇啦。下午本來約左阿ck的，咁我又要睇醫生啦，就叫佢陪我睇啦。通常去到診所我都會磅重的。但係呢見到阿ck磅完後，真係令我十分驚訝﹗估唔到他真的咁瘦。搞到我都唔係好夠膽去磅tim~~如果磅出來我重過佢的話，我真係要搵個窿捐。可能我近期又唔定時食，加上呢幾日唔係點食野啦。所以都輕左。真開心。都唔知有幾耐冇呢個體重了。well~~都有成幾年﹐即係話我都肥左好多年了。
咁就要趁呢個機會………………

睇完醫生就諗住去尖東，終於見識到尖東呢個站了。不過冇出閘，因為我想去沙田買d野。但係呢買唔到囉。畀我見到樣野喎，就係生日叮噹喇。但係呢都冇我個月份的。失望﹗

之後因為我太餓了，所以六 點到就食野了。我地去左西田到食，但係呢我又係食唔晒囉。不過都唔係剩番好多。

食完飯就要食藥了，見到d藥都唔係好想食，今次醫生開畀我的喉糖難食到我即刻吐左出來。唉~~€我唔想的。因為我諗如果我再繼續含住的話，我諗我會嘔tim。

本來諗住去影貼紙相的，但點知今日居然提早收鋪喎﹗ 過份﹗好嬲﹗

WELLWELL~~可能因為食完藥的關係，特別眼瞓，所以呢都好早就走了﹗

搭火車時去到太和站先有位坐。其實咁都好，因為以我咁累加上食完藥安眠成份發作，我一定又會瞓過龍的﹗

今晚冇睇到律政新人王。因為佢話我唔舒服，叫我早D睡，唔好再捱夜喎﹗