倒數

今日早左返公司攪番d野，打番電話問d同事，先知道自己其實冇出錯，係佢地自己冇畀單我地。但係我stephanie話我應該要追佢地去畀單我們。但係我記得之前阿bella又話唔駛追的，可能我誤會左佢d意思。不過事情已經解決，都好，起碼走之前都唔會搞亂d數先啦。

lunch時我就同stephanie﹑amanda同bella一齊影相啦。又影下我個位咁。不過都唔係影左好多，明天再影過公司其他範圍先，做個紀念麻。話晒我係到做左三個月，d同事對我咁好，講真我覺得我將來出來做野未必會再遇到d咁好的同事。不過其實我仲係好regret我呃左佢地。我唔知應該點開口。

下午阿stephanie請假，咁就得番我同amanda係到做野啦，初時都唔係話有好多野做咁。但一到四點幾時就忙過不停，又多電話，又要出PO喎，最煩就係部電腦又偏偏係呢個時候HANG喎，真係激死我。而ACCPAC呢個時候又有問題，點都PRINT唔到第二張喎，最後都係放棄唔PRINT，明天再算。

放工時阿TOTO話佢同KANE都在聯和墟，咁就一齊走啦。不過我個時都好累，同埋有點頭痛，加上我喉嚨痛，結果又畀阿KANE話我係怨婦喇。

今天媽媽返大陸，佢話已經煲好湯，叫我炒埋D餸就得。可能我太耐冇煮了，落少左SALT，所以D菜就啖啖地。不過算啦，咪當得閒食下D清啖D0既野囉。食完又要洗碗，而家就感受到阿媽平時放工後要返來煮飯食，食完又洗的景況。em........過埋今個星期，我就幫輕下阿媽啦。我諗我做到卦？