最後一天

今日係我最後一日返工了。可能我返左咁耐，大家都唔係好知我公司係咩名。我公司全名係環球科技實業有限公司，而我個職位係sales clerk。之前我好想快d唔做，原因係我想逃避，原因係咩我都唔知點講好了。不過到左今日我真係好唔捨得d同事。因為佢地真係好照顧我，同埋都教左我好多野。係呢三個月內，唔多唔少我都犯左好多錯，但係我的上司stephanie佢都冇鬧我，好多時佢都提點我應該點做好。而我一開始就係由bella教我做野的。佢地兩個都教左我唔少野。係呢間公司我都真係做得好開心。雖然有時真係好忙，甚至要開ot~~但個工作環境都係ideal的。
到左阿amanda來了間公司，咁我又要開始教佢做野，其實教人一d都唔易的，因為自己覺得係好簡單的事，但係有時要記起上來又真係幾煩的。因為呢個post所做的事的比較鎖碎，但又唔可以遺留喎，所以好多時都要重覆提醒的。因為我自己當時學野都係咁，都係要成日問，後來日子有功，就漸對dwork熟習，先至容易記得。講真出來做野除左話想人工高之外，其實工作環境﹑同事都好重要。難得我在這間公司可以搵到以上的條件(可能除左人工高之外啦) 我諗將來都好難再遇到的。以前未出來工作，所接受的教育就係呢個社會係好黑暗，人人爾虞我詐，但係凡事都總有好的一面。今次的工作就讓我學到了。
而今日lunch我﹑stephanie﹑bella同amanda一齊去呢個爵士拉麵到食。內裏真係好日本feel~€今次我叫左個年糕拉麵，但都唔係話太好食咋。可能我之前實在太期待了，加上d年糕好難去食，因為好''痴''牙呀。而今餐就由佢地三個請我食，真係多謝晒﹗
下午永遠都係最忙的時候，尤其係星期五，因為d客想在weekend前搞好。但係今日的事唔知係咪同我作對的，好不順利。此外，一下子太多單接了，又多電話，個腦真係轉唔到咁多，當時真係做到好頭痛，真係好累﹗做到個人都好憫﹗但係我知道自己走之前係唔可以留低d麻煩野要人地跟架麻~~所以我今日都盡量做晒佢。而未能完成的就交低給amanda等明天再做。
今天都留到六點七到先走。idy就同我簽埋份resign，就咁，我就同環球結速了三個月零四日的關係了。
走前，自己在公司再影相，做一個紀念。
希望自己今次真係要努力，考入大學，到時同佢地講番，我諗佢地都會替我開心，而且應該唔會怪我..........

放工後就約左ck，今次去的地方比較特別，我去佢宿舍到逛逛。我地先在中大某一canteen到食dinner，之後就去佢hall到啦。由canteen行去好似比較遠。因為要行好多stairs~~行到我好累，事關我今日做左成日野，用左好多腦汁，真係身心疲累。去到佢間房，佢個宿友都係到，不過我都唔係好記得佢叫咩名，不過就如ck所說，佢把聲真係好似女仔，佢個樣都有d似，actually佢的高度都似(即係short) ~~第一眼我就諗如果佢換左女裝應該都會有九成似女仔的。而第二我所諗到的係究竟係我高定佢高。heee~~~我咁諗係咪好衰呢﹗