連續的失落

今日中午去自修室﹐有一奇景發生﹐竟然full晒喎。早知就聽我個細妹講唔來啦(雖然佢冇直接和簡接﹑明示或暗示) 據她所說﹐今天成個北區的中學都放假﹐說是什麼老師開會咁話。真係唔知點解會有咁多會開的。前我細妹一個學年都會有一兩個什麼教師研討會﹐所以放假的。

原來d人咁勤力﹐黎晒溫書。我諗我由明天開始都要早起身去自修室溫書了。

離開自修室﹐諗住拎入座証啦。仲以為自己今次咁早交表應該實有正証啦。點知都係冇喎~~又係得個候補~~候補仲要係每個人申請而落選都有的。仲諗住今年可以溫完上午﹐可以慢慢咁食lunch﹐不用太趕tim 。

其實我都唔明點解有d人拎左張証又唔去溫的。照計﹐正証的人應該occupy所有seat的﹐就算唔係﹐候補的都會要晒啦。但係ｄ人排隊點都會有個ｓｅａｔ的。

攞埋張候補証唯有回家溫書啦﹗

溫physics時﹐就要用計數機啦。竟發現d數字show一半出來。我心諗﹐唔係壞左呀麻。kasin說有可能係冇電。em....我真係冇諗過呢個問題。諗諗下﹐部機都用左成八年了﹐咁又真係可能冇電喎﹗咁遲d去換下電先。

晚上二舅父家來。最搞笑的係舅父同表弟係到爭玩電腦~~~真好笑﹗﹗不過來了成晚﹐阻礙了我溫書呢﹗

今晚''甜孫爺爺''大結局了﹗﹗都滿意啦﹗﹗都幾搞笑的﹗