年初三--赤口

不知何時家裡很多事都與我有關的。好似今日﹐爸爸一早叫了我起身﹐我還以為他想叫我去飲茶﹐點知係因為佢插唔到張SIM咭去部新電話到所以叫我起身看看。OH~~~佢部電插咭方式都幾另類的。

今日係赤口﹐很容易產生ARGUE﹐所以今天傳統習俗是不宜拜年﹐都是留在家裡的。但係呢通勝話今日係好日﹐宜會友。咁即係點呢？
我呢﹐係新一代年輕人麻﹐當然是按著本意而行啦。

朝早又係去左飲茶啦﹗我諗我都係新年先會去飲茶的﹐其餘時間我都唔會去的。今次食左個奶皇流沙包。熱辣辣﹐very 好食。不過我一開始冇諗過會咁熱的﹐所以都辣親條脷呢﹗一咬落去﹐d奶皇流左出來﹐難道呢個就係奶皇流沙的意思。今日一如以往﹐侍應都係唔多理我地﹐因為我地冇人派利是麻~~~哈哈﹗﹗今次得爸爸﹑我和妹妹去飲咋﹐但係都叫左唔少野食。

下午又煮公仔麵食呢﹗哎吔﹗我講左話要食d有nutrient的food麻﹐oh~~~我下次一定記得﹗一定記得﹗

新年在家裡真的好悶呢﹗﹗以前返鄉下時就覺得鄉下悶﹐在香港如果悶時都可以上下網打下電話畀人﹐但發現都不是呢回事。不過點都係香港好﹗﹗

睇報紙時發現左d好笑的事﹐就係呢有版係講運程的。有個叫蘇民鋒的師父﹐佢話明日初四係破日﹐打工仔最好唔好揀呢日開工﹐老闆的都唔好揀呢日開鋪。em....其實可以揀的話打工仔都想係呢個新年休息下架啦﹐點可以話''揀''呢~~~不過我諗打工仔的心願都係想個老闆加人工﹐同埋待遇唔好咁差啫﹗﹗

晚上姑姐來了拜年。