中國情人節

今天既是元宵又是中國情人節﹐所以是又一藉口讓我暫時放低書本外出遊玩。

早上﹐不知ck是否還沒收到我''起身''的message﹐所以佢就專誠send個sms來話我仲未起身。而家天氣咁凍﹐真係唔願咁早起身呀﹗﹗話時話﹐無論我睡得多稔﹐message的聲音都會吵醒我的﹗﹗

之後我就溫書﹐然後又煮午餐。今次我就蒸肉餅和炒豆豉雞翼。唔好以為我一個人食咁多野﹐我都係同我家姐一齊食的。

下午四時半﹐收到ck的call﹐佢話來接我。咁我就預番些時間才出門口 。哈哈﹗又係我''等''佢呢﹗﹗

原來ck的所謂的準備﹐就是帶我去文化中心到看印象派的畫。我對於畫一竅不通﹐都是憑感覺去欣賞它。真的不得不讚嘆那些畫家細緻無遺的作品﹐想必要花好多時間及心機去畫。不過他們有的是天份﹐相信畫畫並不難到它們。假若叫我畫的話﹐可真痛苦﹐完全唔識得畫﹐就算照住一個圖樣我都畫不出﹐所以有收過我畫的圖案的人﹐請珍惜﹐因為世上所剩不多呢﹗﹗

之後又去睇中國畫﹐中國的簡單得多。我的感覺告訴我知﹐與我心目中的山水畫截然不同。

跟住我同ck就去左間上海鋪到食dinner。一點都不好食。下次一定不會再去這鋪頭。相信普通茶餐廳的小菜晚餐一定比它更好食。

我地又去了海旁行。不過今次都頗大風﹐所以人不多﹐後來行得太久﹐在新世界搵左好耐先有個位坐下。

大約九時半便走了。沿途在火車都是睡著呢﹗

雖然累﹐但仍是好開心﹗