戒食

今日阿stephanie佢入左醫院，所以冇番。
今日總括來說，唔係太忙。但我個唔係太忙的意思係指唔係太多電話同突發的事要做。
今日的主要工作都係出po~~真開心都總算可以清下呢幾日積落黎的po~~不過我都係冇諗住今日出晒，因為明天星期六要番工，會比較少野做，同埋我今日又做左一d比較次要的工作，所搞到明天的工作量減少左。其實少野做都唔係一件好事，因為自己要呆在公司，唔知做d咩好喎，又唔可以早走，真係好慘的。
雖然我都就快唔做，(em......其實我諗都要十月中先可以正式resign)~~但係在留係公司日日都係做同一樣野我真係好悶了﹗
可能之前我講到工真係好好，因為我話我在lunch時係到訓覺，其實lunch係休息時間，訓覺係理所當然的。但係我呢排我都睡不著，同埋就係因為呢兩三個來我都係食飽就訓，所以就個肚腩大大好多，加上有時d同事下午又會請下你食零食咁，真係想唔肥都難﹗有d 人話想增肥，真係jealous佢地可以有呢個念頭而又不用顧累咁多。
所以呢今日有位同事買左d野食畀我地，d同事講話好好食，但我都冇食到，我係咪好忍得呢？
跟住有個同事就話我唔食係想keep fit~~咁都畀佢發現左tim﹗

工作好悶呀﹗雖然未完成某部份，但我都係照收工了。因為我都唔想多留一陣。
我發覺我自己開ot的話所賺的錢係著數個一日的價錢。早知前排咁多野做，留多一陣開埋佢啦。我諗呢排開下ot，賺下多一d錢先。