兜路

今日返工我換左另一個袋，咁我將d物品轉去新袋啦，但就偏偏忘記帶我張工咭喎~~我已經幾次都係咁了，次次換袋我都係唔記得帶咭的。

今日阿stephanie佢請假，原來佢留左d野畀我做，em....簡單的job~~但係就因為簡單過頭，所以就唔係好想做了﹗

約十二點的時候，亦都係我正在忙的時候，阿francis(大老細)落左來係到巡，行過來我呢個sales department(其實加埋我都係得兩個人坐出面)阿avan老細就梗係坐係房啦。
阿francis見到阿stephanie個位亂就係到話﹕你地d位可唔可以好咁亂呀~~呢d唔係叫做勤力呀﹗係叫做亂﹗
跟住佢見到stephanie個hard disk個位上面擺左好多紙，就比較亂。跟住佢有同我講喇
francis﹕wah~~個電腦上面擺咁多野，你唔知個電腦會發熱架咩？呢d common sense黎架麻。咁擺法，隨時會燒起火燭的。
跟住佢仲特登叫阿avan出來睇下。
大老細呀~~我諗佢真係唔知我地呢個部門係幾咁忙的，張枱又咁細，每次出單又要拎一堆文件出來~~仲要唔係得一張架麻~~張枱就梗係亂啦。全公司最小位就係我地張枱，其他人的枱一係大過我地，一係就多梗d櫃桶。人地就梗係多位擺野啦。高層真係唔知我地d苦況。仲要咁樣畀佢話，激死﹗

放工後叫左阿ck出來陪我去買袋，我諗住去尖沙咀的利時行的，但係呢原來佢唔知在哪的，我地結果都行左好耐，先搵到。原來我地一早就pass左的。不過都揀唔到~~約十點幾到我地都走了。