九月四日至五日早上--石澳

今朝早都要番工，不過都唔係好多野做，想必係星期六的關係，又係輕輕鬆鬆咁過。
今天約左ck出去玩。他先來接我，但我唔明佢都黎左幾次的，但係成日都行錯路，所以我諗佢黎親我公司的時候都係兜一大段路的。
我地在粉嶺食lunch，不過由於我地都背一個好大的袋，所以都幾麻煩的。
Then我地就搭火車出去睇戲了。我地去左causeway bay的皇室睇。個到又真係好舒服的，真係可以成個人訓起到都得。但由於時間的關係，想睇個d戲又太晏播，所以我地就個套好耐世紀的’’十面埋伏’’，就係因為呢套係好耐世紀的，所以先至會咁平可以入呢靚靚戲院。
睇完呢套戲之後，我以後都會相信d影評的。因為d影評真係講得冇錯，阿章子怡入面真係死極都死唔去。同埋套戲真係冇乜劇情，睇睇下我都睡左一陣，下次我真係都唔會再睇張藝謀拍的戲了。
跟住我地又係附近行左一陣，我地去左行維園。原來維園係在銅鑼灣的，我一路以為係在中環的，ooo~~~我好似有點兒低b﹗
在附近一間日式鋪頭食dinner，都幾好食的。不過都唔平的，有點貴，我認為啦。
跟住我又在超級市埸到買food，因為我地之後去沙灘玩通宵，野食係唔少得的。
今天都幾多人的，因為明天係星期日麻﹐個個人都唔駛番工番學，就梗係玩夜d啦。
由於我地個目的係想睇日出咁啦，所以坐係沙灘到，真係唔知可以有咩做。約一點半我都唔係好頂得順，跟住我就sleep了。訓左一陣，畀阿ck佢整醒左，我諗應該係個沙灘的問題，由於唔平，所以我起身時腰酸背痛，成個老人家咁，好似風濕病發作。
Oh~~ck送左隻bracelet給我，入裏刻左d字的﹗thank you very much﹗

捱到去五點幾到，終於都日出了，但可惜的是我地個位剛好被d石阻擋著，所以係睇唔到的。
之後我地都搭車回家了，我大約七點九回到家啦。不過我冇即刻睡，因為個頭咁dirty，就梗係沖涼洗頭先啦，之後自己煮個麵食，睇左陣vcd，約十點我就睡了。