無奇不有

今日早早的起身﹐煮左個早餐畀自己食﹐之後就出左去自修室溫了。但係呢﹐近期去都好眼訓﹐出發時係好精神﹐去到就好sleepy﹗所以我又sleep左一陣﹗﹗
年餐食個新鮮出爐的pineapple bread﹐好食﹗﹗

但係呢為食既我又走左去食下午茶(緃使我不肚餓) 就係咁~~~出事了~~~ 咁我呢﹐習慣帶本notes去溫的﹐今次我就帶左本physics notes去﹐我坐的係一張圓桌﹐之後有個中年男人坐在我next next的位。佢一坐落黎就指住我本notes話﹕呢d我都識架﹐呢個係燈泡﹑呢個係電阻丫麻 ( 但其實個d係voltmeter﹑電阻佢都講啱的﹐不過費事糾正佢啦) then我都係問左佢係咪讀過or從事有關的行業。佢就係到話佢冇讀過的﹐不過佢識。(呢句說話佢重覆左十幾次﹐斷續地﹐每round講左好多次﹐就算我冇再問佢) 之後佢又係到話佢自己八幾年時係讀文科﹐跟住的都唔係好聽得明佢講咩了﹐因為佢又講得細聲﹐加上有點痴脷根。最難頂的係﹐ 佢竟然問我佢睇上黎係咪好聰明咁(佢好自信地笑著說﹐但我一望落佢就只覺得佢係一個普通的藍領人仕﹐他穿得十分普通﹐拿著馬經)。
( 根據姊姊的說法﹐此時我的反應係滴汗中)
我超級苦笑地''噢''了一下。 之後佢又問我光係咩﹗(當時我又再滴汗﹐無端端問我呢d野) 我一開始答光係wave﹐後來改番話係photon。之後佢又係到話光射落去glass到會有反射和折射﹐又話在glass裏光的speed會慢d。又講埋plank constant條equation﹐佢belibala地講﹐最後佢講左話係newton發現的(其實係albert einstein) 佢又同我講佢睇書識的﹐睇左個半月﹐又話自己唔識寫字﹐所以冇學理科﹐佢仲要問我係中四中五﹐可惡﹐我中七的﹗ 之後佢又同我講佢阿嫲定阿爸死左成十年﹐佢都冇去拜過佢地。 (唔知畀咩反應佢好)
(關我咩事喎﹐我只係想靜靜地食tea咋) 我終於我的tea﹐拿拿臨咁走﹐佢最後話祝我考到大學喎。

溫完午場﹐我就先出左去旺角﹐因為我有點東西要買﹐但係也許我多數都係行天橋﹐一行去地面我就不太記得了﹐以致我兜左一陣﹐應該話我在路上徘徊一會。 我太早就出去了﹐距離補習時間尚有一大段時間﹐我走左去seven到買個飯食。好唔得呢﹐又話press個''9''字就ok﹐但食出來係冷的﹐咁我再叮多20秒啦﹐又係咁喎﹐最後我press多次''9''字﹐先至熱咋~~~~~~

食完就在街上遊蕩﹐我補八點半的﹐我八點一已經去到﹐點之有人仲早過我。 個個tv男子真係好noisy﹐首先佢一出lift就講野好大聲﹐上堂又常talk﹐咁啱今堂佢又坐正我後面﹐according to miss foo﹐he is talking talking talking talking all the time﹗﹗也許佢想引人注意啦﹗﹗

十點二終於上完堂了﹐真的好累﹗

回到家沒有受哥哥的引誘同佢食宵夜。 發現了陪我很久的心愛物品竟然爛了﹐它是我那最''敬愛''的姊姊送給我的。