受不了﹑ 表姐結婚

近期暗瘡不斷爆發﹐生完一粒又一粒﹐都唔惹少的。據說﹐暗瘡在面部生在不同的位置﹐代表身體某些地方有病。em....而我呢就係~~~據了解﹐是個到個到﹗(我也不太清楚) d瘡最好快d消失﹗﹗

下午出發去表姐的飲宴了。不過由於地點是在大陸的關係﹐這就是我之前萬般不願去的原因。在羅湖與二舅一家會合後就一齊出去深圳過關搭車。我們開兩架的士﹐地點是布吉新梅園海鮮酒樓。(地方名真係每處怕皆相同) 不過﹐的士司機不懂路﹐而又大路公路上充滿了石油氣味﹐使我更不適。最後解決方法是司機下車問途人﹐最終始發現原來係兜圈子。還以為比我們早上車的二舅會早到﹐怎知他們更遲。原來佢地的司機根本就唔識路﹐又扮識﹐又唔肯下車問途人﹐停左架車在路邊唔知想點。真好笑。

可能結婚的人就化得比較豔麗﹐仲有仲有﹐個新郎表姐夫就略嫌矮。

well﹐我已經榮升了表姨級。(個輩份令我有點老)

開席前﹐同妹妹及表弟們一齊玩猜拳。其中一個肥嘟嘟的表弟﹐他很乖而且又很好摸。(我指塊面) 他的面很滑﹐又有個大肚腩﹐實在是very好攬﹗﹗

終於等到有得食喇。晚宴來來去去都係個幾樣﹕乳豬﹑龍蝦伊麵﹑清蒸石斑﹑乳鴿﹑白切雞﹑仲有好重蒜蓉味的金沙骨﹑仲有我唔鍾意食的炸沙拉﹑有碗好似好多料的湯同埋甜到我只飲左一啖的糖水﹑海參﹑鮑魚菇﹑一碟不知名的﹑還有炒飯﹑干燒伊麵﹑糕點﹑水果~都係咁多了~~不過我也不是全食~~去到中途﹐我都食唔落了。 (有個頭盤幾得意的﹐就係有塊好薄餅皮﹐跟又有d生菜﹑青瓜等配料﹐自己包來食的)

不過我個枱好少人呢﹐只有七個人﹐其中三個仲係小朋友﹐顯得有點冷清﹐所以唔駛爭食。

約九點便走了。走時﹐每人各拎了六支蠔油﹐很重呢~~及後﹐我仲要一人拎一打。拎到對手都紅晒。約十點半到回家了﹗﹗

p.s.﹕發生一件趣事﹐很好笑。但基於權威性人格影響之下﹐不能說出來。唯有得閒同妹妹一齊攞出來笑下啦﹗

p.s.2﹕原來solai同ck都一樣﹐係唔識分親戚關係的。

p.s.3﹕我的舅母畀人搶劫呢。就正當她將個手挽袋轉換位置時﹐個robber從後坐著電單車搶走了﹐所有証件﹑錢都冇晒呢﹗﹗最煩就係冇左証件﹐要補番又煩又wast水money~~最重要又是在大陸唔見﹐曾看一些email﹐在大陸補領文件的手續繁複呢﹗﹗ but呢件事好快咁傳開去。我坐在位上﹐已經聽了數次﹐講到龍飛鳯舞﹐從他們口中的對話﹐除了有些關心﹐也有些講是非的成份。

早餐﹕雞扒麵配熱柯華田
下午茶﹕公仔麵
晚餐﹕盛宴
激氣﹗所有的事都全推給我做﹗完全不關我事的又要賴我﹗屋企又唔係得我一個先識得做
又話要我讀書﹐又話我唔溫書。我又唔不是全天候廿四小時留在家裡。我又點預到幾時有郵差來丫﹗
講的時候又有冇諗過我的感受呀﹗。