睇街症的恐怖

今日呢就終於都去左睇醫生了。well﹐今次我再不是咁奢侈去睇私家醫生﹐而係去左大埔個間賽馬會診所到睇街症。正如我昨天所說﹐kasin幫我先去排隊﹐我約一點才出到去。
入到去﹐見到的都是公公婆婆﹐而且個個都唔係咳就係傷風個類﹐有點危險。我就好不幸地中招了。坐在後面的阿婆﹐咳的時候﹐噴到我件褸﹐唉~~返到屋企真係要消毒呀﹗﹗

等到成一點九先拎得籌﹐後來solai又來了﹐拎完就去食lunch(tea)。本來想去明星到飲下午茶的﹐但係好多人﹐之後就去左椰林閣到食tea。入到去見到以前ltp的同學﹐其中一個係親戚個親戚﹐(solai，你睇下我識得打個戚字呀﹗係咪好醒先？)另一個就係大lik巴。

坐到約三點就返去睇醫生。不過都係等左好耐先有得睇。入到去，好彩事先指明要係女醫生﹐所以都冇咁尷尬。我講晒我個情況畀佢知﹐但係佢冇話我知究竟原因何在呢﹗佢畀左d藥膏我搽﹐如果再未好番就要番去再睇。

睇完醫生就去左kasin家﹐本來話玩uno的﹐但係搵極都搵唔到。後來ck也來了，最後我們移師陣地﹐去左solai家到玩啤牌。期間﹐ck收到消息話有得睇result。佢major都考得好好呀﹗﹗全靠有我支持咋﹗﹗(我又攬埋d唔關我事的功勞) 但佢其他minor的result仲未出﹐相信也不俗的。

我地係到玩潛烏龜。ck同kasin兩個人不斷咁抽都抽唔中喎﹐笑死我地喇。

then走時去了join winnie。

之後同ck去左上水﹐因為我要去拎相麻。

我地去左好耐都未去過的麥當當到食dinner。我試左個新包﹐ck也試左個新餐。結果我個包都ok的﹐但ck個餐不夠以前的好。食完行完﹐依然都係好早﹐結果我們就搵左個消閒好去處﹐消磨了一段時間。

ck送完我回家他也走了。臨走時﹐我竟然輕率地答應﹐不過我一定做得到。


沖完涼後﹐就塗藥膏﹐不過d藥膏很''結''﹐好難塗呢﹗﹗
之後就幫我件褸進行消毒。我先用熱水洗﹐再用藍威寶洗消毒﹐為免件褸留有藍威寶的味﹐再用沐浴露洗。很大的工程﹐全程都係用手洗﹐我真係好佩服古人要用手扭乾淨d衫﹐以前d衫咁大件﹐佢地都得﹐唉~~而家我就咁扭乾我件褸都好辛苦﹗扭到我對手都冇力﹗﹗

ps﹕在麥當當﹐有位麥當當姐姐話而家做緊一個南亞振災籌款。買一隻$18的熊bear bear，就會捐出$10給南亞的災民。結果﹐阿ck就買左隻畀我喇。我揀左隻hip-hop熊bear bear﹐佢話我唔可以將隻公仔擺係佢個度﹐又話要攬住隻bear bear瞓﹐well~~我一定會遵循他的說話。

ps2﹕好jealous阿rachel呀﹗﹗因為佢又可以同佢個偶像影--張信晢--影相。雖然我不是喜歡他﹐但係如果我也可以同阿jay影相就好喇﹗﹗