終於都開到戶口了﹗

今次我帶晒所有文件總算都可以開到戶口了。不過因為ｌｕｎｃｈ去左銀行開戶口，所以都冇乜時間去食ｌｕｎｃｈ。本來諗住買ｄ野食返公司食的，但係時間唔容許我咁做，所以ｌｕｎｃｈ冇食到野了。不過我個神奇的肚子又發揮左佢的作用，我今個下午都唔覺餓。同埋今個下午唔係太多野做，所以不算太忙。但係都無法可以準時放工。今天又係六點半才走。ｅｍ．．．．．．好耐都未試過六點前走了。明天又要ｏｔ喎～～因為要清埋ｄ之前積下來的文件。其實都唔可以話係我積下來的。係我上一手的人積下來。不過而家輪到我做番，明天係星期五，應該會忙ｄ～～同埋明天真係要清晒呢個星期的野。

而家因為我要接手，所以連電話都要聽ｏｒ要打。咁今日就要打個普通話的ｃａｌｌ～～真係十分之緊張，好彩自己都講到啦～～起碼我聽到人地講咩同埋人地都知我講咩啦。不過就真係唔好要我再講了，但我諗都幾難了。

今天有個同事叫ｃｈｅｒｉｅ，佢係ａｄｍｉｎ的阿ｈｅａｄ～～我諗佢都幾高級的。因為佢成日都要返大陸個邊的。佢今日聽個電話都好激動，後來先知原來佢同個老闆傾緊，就佢的電話內容加上後來好大力咁ｃｕｔ線，然後哭了出來，仲話要遲職，加上要早退，相信個老闆幫番佢自己個阿哥（亦都係老闆之一）同埋好似屈佢～～佢仲話頂唔順間公司咁話喎€～～ｏｈ～～真恐怖﹗其實間公司個時都好靜，所以個個同事都聽到佢講咩，真恐怖﹗大家都冇聲出。係阿ｉｄｙ（佢的ｄｅｐａｒｔｍｅｎｔ）叫佢唔好咁激動。同埋唔好亂講。可能因為其中一個老闆都係到卦。不過諗應該都聽唔到。因為個個部門都幾遠的﹗
大人的世界真難明。