攞命的返工

今天簡真是攞命呀﹗要番成十一個鐘呀﹗冇錯﹗係十一個鐘，大家係冇睇錯的。我番一點收夜～～好彩今日都可以在十二點前收工～～剛剛好十一個鐘﹗冇蝕畀佢﹗

不過番成十一個鐘真係好難頂呀～～唔係企就係行，我係未坐過架下。我食完個ｂｒｅａｋｆａｓｔ一陣後番工。我個ｂｒｅａｋｆａｓｔ在十點幾到食。本來我都捱到去放工時間的。因為雖然我好肚餓～～但係我就冇呢個食慾去食～～點知畀阿ｉｖｙ（店長）發現左我肚餓～～一定要我去食ｄ野～～咁我就走左去食個包啦。點知番到家又發現原來阿媽留左飯畀我食～～唔食唔得～～做人唔可以ｗａｓｔｅ　ｆｏｏｄ架麻～～呢個一向都係我做人的宗旨﹗唉～～咁搞法～～我想減肥都唔得啦～～唔怪得我做極野都唔瘦啦～～下次大家唔好再逼我食野喇。

今日番工好好笑～～有兩個男人（肥肥的）係到聊我講野喎～～唉€～我得閒就話冇所謂啫～～但係個時鬼死咁忙就唔好搵我傾計麻～～我都應唔到佢～～不過唔應人又好衰咁～～但我又真的唔得閒喎～～不過呢兩個人都係在我執野時同我傾的。佢地仲係到問我叫咩名～～又問番我點解唔問番佢叫咩名～～真係笑死我﹗最好笑就係個肥男人話下次送埋我番屋企€～～真係唔知應佢咩好～～不過就ｆｕｎｎｙ囉﹗

我發覺我的重心係偏右的～～因為我發覺每次我企的時候ｏｒ行的時候，我的右腳係比左腳累的～～ｓｏ每次我右腳都好累好累﹗

明天番一點放七點﹗