公司旅行 七月廿二至廿三日 雨

今天我就開始去旅行了。心情其實都唔會話興奮的，因為我都係自己一丁友去，冇乜所謂啦。約左阿kasin在太和等，因為佢拎部相機畀我呀。但部機係阿solai的，因為部相機冇電，所以去到hung hom買了。
到了紅磡，撞到阿英姐，強叔他們，他們一起搭的士去。咁我就先去買電then搭小巴啦。搵左好耐先搵到個小巴站，以為咁樣可以安安樂樂坐啦。點知搭搭下發覺唔對路，因為架車去黃埔個邊，問個司機先知我搭錯方向。之後就去追的士，第一架追唔到，好彩後面都有架的士，都趕到去。不過我都用左成三十蚊車錢。
到了中港城集合處，阿芳姐見到我就話好驚我唔識路來，因為佢話唔知的士可以坐五個人，如果唔係就同我一齊搭。well~~當時我諗住都冇所以謂啦。估唔到佢倆都咁有心的。真感動。
十點半就上船了，架船都幾舒服的，但唔知點解我又覺得頭暈暈喎，可能係我昨晚唔夠瞓的關係啦。十一點八到就到macau了，不過天公不造美啦，落雨。諗住過到去珠海有得玩啦，點知架車又死火喎~~個導遊又唔知點搞喎，大陸個邊又冇spare車，又唔即刻租架車畀我地，係呢個冇冷氣的情況下，想落車又唔得，因為下雨麻~~結果呢就係架車到悶﹑熱﹑焗左成個鐘~~先搵左架冇冷氣的車來接我地﹐呢架車又要死下死下咁。
夜晚個餐以為好豐富啦，點知就~~€唉~~~但係呢就有個甜品的，叫做椰汁雪蛤糖水咁的~~但係呢個糖水我除左見到呢個雪耳之外，都見唔到有咩雪蛤囉，加上又超級甜喎，同埋我真係唔明點解啲椰汁唔係同埋d糖水一齊上的﹐要等人地飲完碗糖水先上囉。食完dinner都回酒店了，很累。所以沖完涼一陣都睡了﹗
但係呢個冷氣實在太凍了，搞到我成晚都唔係好瞓得著。但係呢我自己又凍到唔想起身教細d個冷氣喎。所以就係咁涷左成晚喇。
第二朝，六點九就有個morning call了。不過同房的kate佢早起身，咁我就可以多睡一陣喇。
個酒店早餐又真係唔係好豐富咋喎。普普通通的﹗
macau的行程好過珠海。最正都係食左個豬排飽囉。熱辣辣的，又軟喎，好有口感，唔似得番港個d硬的。之後又去左金莎，咁大個女都係第一次去賭埸的，都裝修得唔錯，不過入面好多人smoking~~我同阿kate就玩下老虎機咁啦，本來我都贏左d的，但後來又輸番。哈哈﹗
之後又去左觀光塔到參觀，真係幾高，見到d玻璃地面，真係有些腳震的，不過都坐係到影番左張相。
之後又去食tea buffet~~都幾正的，不過遲上去食，加上時間又短喎，所以都唔係食得好多咁囉﹗
then就係自由時間了，行左一陣，之後搭錯車，跟住又再搭番啱車，上船，累，睡，回到番港，番屋企了﹗