孤獨地回家

今日約左好耐都冇見的crystal同埋阿根寶and栢栢表哥。冇約阿crystal咁耐佢都不忘佢的本性呀，居然又遲到。可惡﹗仲要個時間係佢約的，居然要我呢個大小姐等佢﹗真係丫﹗我係到諗佢同kasin邊個有得fright呢？ 當我去到大埔火車站時，咁就見到對面月台有架空車喎。仲有六分鐘就開，咁就叫阿crystal行快d啦~~因為有得坐呀麻。 當見到架車仲有一分鐘就開的時候，但係阿‘好準時’的crystal居然仲未到喎。真係令我焦急呀。好彩後來佢都追到過來。Then就去到佐敦會一會阿表哥同表嫂啦(咁稱呼係咪好聽好多呢下？)但原來大家都唔係好識得去個會埸的，不過阿栢栢表哥就帶左呢個map出來。都總算搵到啦。講左咁耐大家都好似唔係好知我地出去做d乜咁。其實我地今次出去就係一個talk的，而呢個talk就係講關於點改選呢 個jupas的。咁就共有三個嘉賓啦。兩男一女的。呢個talk開頭都幾悶下的。因為個嘉賓甲(男)就係一位engineering的講師，就講左一大堆engine的野，佢一講野我就想訓覺了。到阿嘉賓乙(女)講野都幾風趣的。佢係到教我地話interview時唔好畀人大到。因為d interviewer真係唔知我地頭嗰三個choice的sequence啦。佢地只係知道係放在band A的。咁呢個女就話如果個interviewer真係問我地﹕你好似唔係將我地個科放在第一喎？咁係呢個時候，就算你真係唔係將個科放在first choice的話，你都可以照話﹕我係將佢放在first choice呀﹗不過我唔係講得好好笑啦。但個女人講的時候真係幾搞笑架﹗到嘉賓丙開始發始發言的時候，佢又係到暗串呢個嘉賓甲用左成半個鐘至九個字時間好詳咁explain左d野~~即係串佢over-run 啦。但當去到Q&A的時候，咁阿甲就不甘示弱就話阿丙講話時有D資料出錯。因為阿丙話中大好重CERT，cert所佔的比重係五十五十。咁阿甲就話其實唔係的，只係個別的科目，佢話中大睇cert所佔的比重多數都係25%-45(50)%咁啦。Then呢個丙就話佢d資料唔知係邊到畀佢的，所以佢係冇講錯。佢仲list左有邊d科佔cert比重有成五成講埋出來。真好笑﹗完左個talk就好肚餓，咁由於我身上就冇乜錢，所以就叫佢地去café de coral到食了，因為可以用octopus呀麻。咁我地冇理由only eat咁悶架麻。咁我就好心d拎左叮噹飛行棋出來畀大家玩啦。原來阿crystal係唔識玩的(佢話自己好耐冇玩過，所以唔記得左玩了)(但我就話玩飛行棋就好似踩單車咁，玩過一次唔會唔記得點玩。哈哈﹗) 大家都玩得都好開心，因為大家都係到互相殘殺，所以玩左成半個鐘都未完。最後因為我約左阿solai去荃灣行街，但我遲到，所以要即刻走人。Solai都等左我好耐。因為佢去到荃灣時，我先至開始係執飛行棋。咁原本今次阿solai係諗住番工衫的。但唔知點解變左係買行街衫的。佢真係丫。不過我居然可以幫到阿solai講價喎。事緣就係咁的，咁佢揀左件六十五蚊的衫啦，咁阿solai問可唔可以平d啦，個sales話冇得再平架喇。而我就求奇加把口話不如六十蚊啦。唔知點解個sales好順攤咁話好喎。真正﹗then就等埋阿jones就一齊去旺角會一會阿patrick。因為我地約左一齊去睇football match呀。我地今次係睇曼聯vs 米和爾。因為呢一埸match，我買左我人生中的第一次波。我買比數的。咁就係買曼聯贏兩球以上。當然啦，身為曼聯fans的我就梗係要support下佢架啦。結果係點？梗就係曼聯贏啦。太開心了。我開心係因為曼聯贏波加上我又好耐冇睇過佢地打波喇喎。今埸的入球係阿C.RONALDO同小雲入的。小雲入左兩球呀，其中一球係PK。太正喇。冇見小雲一排，佢又真係型左好多。睇完都成十二點喇。咁就梗係拿拿聲走啦，因為趕住上火車呀麻。但係佢地又話等埋一齊埋單先走。結果係點？咪走左班火車囉。唉~至憎遇到呢D情況架喇。因為我搭車會較煩，冇直通的車去我家附近。要轉車。本來想阿SOLAI佢同我一齊搭N271的，但佢落車個到係大埔中心，咁夜行番屋企又好危險的。所以佢去阿JONES家過夜啦，我都係照搭巴士走。我要先搭N271再係沙田轉N270走。途中我又早左一個站落車喎。搞到要行番去新城市個邊。都行左一陣架。雖然佢地同我係到傾電話，但都係自己一個人行丫，我最唔鍾意就係要自己咁番屋企，每次都要自己一個人，仲要係咁夜﹗討厭﹗所以我以後都唔會再出夜街﹗(應該話最遲十二點前要搭火車走)我唔要自己再係街到一個人搵車搭﹗